Isumat.com/Setyembre 21, 2022

Kadam-an nga pamilya an nawarayan panimalay ngan mga higamit dida han natabo nga dako nga sunog kakulop, Setyembre 20, 2022 ha magsapit nga mga barangay han Zone 8 ngan Sto Rosario ha City Proper han Baybay, Leyte.

Ha inisyal nga pahayag han Bureau of Fire Protection-Baybay City, 27 nga kabablayan an naugbaw han kalayo ngan porlomenos 435 Mil pesos an kantidad han nadistroso nga mga propyedad.

Waray nahireport nga namatay o nagkaada hin injuries dida han nasabi nga insidente.

Padayon pa nga gin-iimbestigar han mga otoridad an hinungdan han mao nga sunog. #

(Photos credit to the Owners)