Sobra beinte tres mil na an naka karawat han educational assistance tikang ha Department Of Social Welfare and Development ha rehiyon otso ha kantidad nga sobra 58 Million pesos.
Ini an gin sumat ni Atty. Jonalyndie Chua, an tagyakan han DSWD-8 ha interview han RMN Tacloban ha programa nga “Straight to the Point” ni Eduard Sanagan.
An kadamo han mga nag paka karawat han mao nga ayuda han gobyerno in waray ngani mag dyes porsyento han mga nag apply ha bug-os nga rehiyon otso nga umabot na hin sobra 300 thousand ngatanan sumala pa kan Atty. Chua.
Padayon an pag beripika ha DSWD han mga aplikante pero waray ka siguruhan nga matatagan ini nga tanan tungod nga damo an mga nag apply bisan kon mga miemro han 4P’s ngan an iba an mga scholar na nga daan han gobyerno nga deri upod nga tatagan han educational assistance. Mayda liwat iba nga doble-doble an pag pa rehistro agud la ma siguro nga an mga ini in makaka kobra han ayuda.
94 Million an pundo nga gin alotaga para ha DSWD-8 ngan iton na bibilin nala ha pagaka yana in 36 Million kay na ipan hatag naman an 58 Million.
Kon pira pa iton pwede matagan han ayuda in ma depende ini han mga grade level ha mga aplikante mahitungod kay nagkaka iba-ba man an kantidad nga ihahatag kon elementary, high school ngan college.
Deri na nakarawat hin mga aplikasyon an DSWD-8 para han mao nga ayuda tungod han ka kulang na hin pondo ngan han ka damo nah an mga aplikante.
