Isumat.com/Setyembre 13, 2023
Waray na makadangat ha iya balay nga buhi in usa nga gwardya hin presuhan han pusilon hiya hin waray panhikilal-i nga mga suspetsado hadton Setyembre 10, 2023 ha Brgy Bawod, San Isidro, Leyte.
Ha report han kapulisan, ginkilala an biktima nga hi Virgilio Barda, 63 anyos, Jail guard nga nakadestino ha Calubian, Leyte Sub-Provincial Jail.
Pasado alas 5 han kulop hadto nga petsa, hi Barda in nagmamaneho hin motorsiklo ngan mayda niya angkas ginkilala nga hi Lando Soson. Hira in tibalik na tikadto ha town proper tikang makibulang.
Samtang nagbibiyahe dida han highway, tigda nga may umulpot nga duha nga armado nga kalalakin-an ngan ginp0anmumusil Barda nga nag-antos hin igo hin bala ha ulo ngan magkalainlain nga parte ha lawas.
Hi Sonon in waray maigo hin bala dida han insidente.
Gintalinguha nga madara ha hospital an biktima pero igindeklarar han doktor nga dead on arrival.
An mga suspek nga nangiskapo dayon katapos han krimen in padayon ginhahalpat han kapulisan samtang padayon an imbestigasyon han panhitabo.
