Isumat.com/Hulyo 6, 2023
Naawat an kinabuhi hin duha nga kalalakin-an han bumonggo ha poste an motorsiko nga ira sinasakyan kakulop han aga, Hulyo 6, ha By-pass Road, Zone 2-B, Brgy 110, Utap, Tacloban City.
Ha report han PNP Regional Office, ginkilala an mga biktima nga hira Alexander Nicolas, drayber han motorsiklo, 21 anyos, ngan taga Tacloban City, ug an iya angkas nga hi Randy Castillo, 25 anyos, taga Giporlos, E. Samar. An duha nga biktima in nagtatrabaho ha usa nga gasoline station ha Tigbao, Tacloban City.
Subay han imbestigasyon, banda alas 9 han aga, an Rusi motorcycle nga sinasakyan han mga biktima in nagsusulsog han kalsada ngan dida han ira pagliko, nawarayan kontrol ha manibela hi Nicolas ngan nagpanlalapos ngadto han tabok han kalsada ngan sumampak hira han poste hin street light.
Tungod han pwersa han pagbunggo, nag-antos hin gulpi nga injuries labi na ha ulo an duha nga biktima ngan dako gihapon an distroso han motorsiklo.
Pag-abot han mga rescuers, ira nakit-an nga grabe an dinangatan han mga biktima nga amo an rason han ira kamatay.
Nagawas ha imbestigasyon nga self-accident an nasabi nga panhitabo. #
