Isumat.com/Pebrero 9, 2023
Mahugot nga pinanhimuwa han gobyerno probinsyal han Northern Samar an usa nga video report ha you tube nga nagpapasamwak nga an nasabi nga lalawigan in lakip han “10 Pinakamahirap na Probinsya sa Pilipinas 2023.”
Dida han opisyal nga pahayag han Northern Samar Provincial Information Office, ha kasaysayan han nasud, bisan kakan-o nga panahon tikang hadto tobtob yana waray mahilakip an Northern Samar han nangunguna nga napulo han gigpopobrehe nga probinsya.
Dida han nagsarang nga you tube video, gintudlok an probinsya nga ikatulo dida han duro kakablas nga lalawigan ha Pilipinas.
Ginklaro han Information Office han probinsya, nga hadto nagin kaparte an Northern Samar ha Top 15, pero nakagawas hira dida han listahan hadton 2018 pinaagi han 27.6% poverty incidence rate. Ini in nagtika-upay pa hadton 2021 kay waray na mahi-upod an probinsya dida han Top 30 Poorest pinaagi han 19.3% nga poverty incidence rate. Ini nga mga numero in subay han pahayag han Philippine Statistics Office.
An PSA amo an may otoridad pagdumara han poverty statistics ngan kada tulo ka tuig naghihimo an PSA han survey basi matudlok an sitwasyon han kapobrehan ha ngatanan nga probinsya. An sunod nga survey in nakatalaan sunod nga tuig.#
