Isumat.com/Enero 25, 2023
Intresado ka ba pagserbisyo han nasud?
Iginpasamwak han Philippine Army nga nagkikinahanglan hin kadugangan nga mga opisyal ngan mga enlisted personnel an Visayas.
Magkakamay-ada hin pan-recruit para han Officers Candidate Course ngan Candidate Soldier han Philippine Army. Kun malinangpuson ka nga makasulod ha serbisyo, may ranggo nga tenyente ngan pagpatikang nga sweldo nga 45,500 pesos an Officers, ngan ranggo nga Private ngan sweldo nga 26, 627 pesos an Candidate Soldier.
Ngan samtang aada ka pa ha training, makarawat kana hin sweldo.
Para han mga intresado magin opisyal, kinahanglan naka-gradwar hin college degree, Pilipino, porlomenos 5 feet an kahitas-on, lalaki o babaye, physicall and mentally fit, waray asawa , waray anak, ngan waray ginpakaslan. Para naman ha Candidate Soldier, kinahanglan la nga nakatapos han Senior High School ngan mas maupay kun mayda units ha kolehiyo o naka eskwela ha TESDA para hin kadugangan nga skills; ngan puede babaye o lalaki, 5 feet at least in height, physically and mentally fit, waray asawa, waray pinakaslan ngan waray anak.
Magkakamay-ada hin mga eksaminasyon dida hiton Pebrero tobtob Marso ha magkalainlain nga venue ha Eastern Visayas.
Para hin dugang nga kasayuran ngan paagi han pagkuha han application form, puede magpadangat hin mensahe o mag sign-up ha Army Recruitment Office Region 8 ha facebook. #
