Isumat.com/Pebrero 1, 2023
Waray hunong an pagkamada hin mga medalya an mga kaapi han Advocacy for the Strengthening of Karatedo-Leyte Sports Academy (ASK-LSA) ha ira ginpapartisiparan nga mga torneo.
Dida han katatapos pala nga 2023 Karate Laban sa Droga Vis-Min Karatedo Championships ha Tagum City, Davao del Norte, an ASK-LSA in naghabak hin 7 nga gold, 5 nga silver ngan 2 nga bronze medals.
Nagbandera han grupo an double-gold medalist nga hi Emelou Palo. An taga Tanauan, Leyte nga hi Palo an naka-angkon han bulawan nga medalya dida han Kata Division 13-14 Yrs old Intermediate, ngan Advance Category.
An iba pa nga Gold medalists amo hira Cherelyn Patilla, Kata 15-17 yrs old Advance Category; Jaryl Abuda, Kata Intermediate Men Senior; Sensei Dante Ylanan, Masters Cup; Mariane Fabia, Kumite Womens Novice; ngan Jerry Gilo, Kumite 75Kgs Men Senior Category.
Ha luyo nga bahin, nakadaog hin silver medals hira Jerolyn Roperos, Kumite 55Kgs Womens Senior; Clarisa Duran, Kumite 50Kgs Womens Senior; Jareck Eneluna, Kumite 55Kgs Mens Senior; Marlon Marolenia, Kumite 67Kgs mens Senior; ngan Jeremiah Marolenia, Kumite 75Kgs Mens Senior Category.
Samtang hi Clent Borrel in nakadaog hin duha nga bronze medals ha 75Kgs Mens Novice Senior Kumite; ngan Kata Novice Mens Senior Category.
An delegasyon han ASK-LSA in ginpangunahan ni Founder/Coach Hanshi Bimbo Franco ngan Sensei Dante Ylanan.
An nasabi nga kompetisyon in gin-apihan han mga nangunguna nga karatedo clubs ha Visayas ngan Mindanao.#
