Isumat.com/Enero 24, 2023
Makangingirhat nga kamatayon an dinangatan hin magbugto nga estudyante nga tikadto unta ha eskwelahan han igkahibalag hira hin aksidente ha national highway, Brgy Mambog, Pinabacdao, Samar, Enero 23, 2023.
Ha imbestigasyon han Pinabacdao PNP Station, ginkilala an mga biktima nga hira Janna Tabontabon, 18 anyos, Grade 12; ug an iya bugto nga hi Jerome, 17 anyos, Grade 11 student. Hira in mga estudyante hin pampubliko nga high school ha Pinabacdao ngan mga residente han Brgy Lale han mao nga bungto.
Ginkilala naman an drayber nga suspetsado nga hi Robert Cadorna, taga Brgy Ibag, Barugo, Leyte.
Natabo an insidente pasado alas 8 han aga kun diin an magbugto in mag-angkas hin motorsiklo ngan tikadto na unta ha eskwelahan. Dida han ira pagbiyahe, ira gin-insimahan in pampasahero nga bus, pero waray hira makabantay nga mayda trailer truck nga iginkakatapo ha kaluyo nga dereksyon han kalsada.
Dida hini, aksidente nga nagsampakay an trak ngan motorsiklo ngan nahingadto pa ha ilarom han trak ngan nataraan an motorsiklo ug an mga biktima.
Hira janna ngan Jerome in nag-antos hin grabe nga mga injuries hinungdan han ira kamatay.
Ha luyo nga bahin, an drayber han trak ug an iya behikulo in iginkustudiya ha Pinabacdao PNP para han kaangayan nga disposisyon. #
