Pormal na nga lumingkod komo bag-o nga mangungulo han PNP Eastern Visayas hi BGen Ronaldo De Jesus katapos la han simple nga turn-over ceremony kanina han aga (Setyembre 14, 2020) ha Camp Ruperto Kangleon, Palo, Leyte.
Hi De Jesus in lumiwan kan BGen Bernabe Balba nga amo an nagkapot han pwesto tikang han Marso. Hi Balba in gintudlok komo bag-o nga hepe han Special Action Force han PNP.
Antis madestino nganhi ha Region 8, hi De Jesus in nagin hitaas nga opisyal han PNP-Anti Cyber Crime Group ngan nadestino gihapon hiya ha Eastern Mindanao.
Hiya in kaapi han Tagapagbuklod Class of 1989 han Philippine National Police Academy (PNPA). Subay han nahikay nga impormasyon han Isumat.com, an bag-o nga PNP Region 8 Commander in taga Bulacan.
Nagkamay-ada hin pagbarubaraha han mga posisyon ha PNP tungod han pagretiro ni anay PNP Chief Archie Gamboa ngan pagliwan ha iya ni General Camilo Cascolan. #
