Isumat.com/Enero 27,2023
Kun totooron an istorya han suspetsado, salapi daw an nakagduso ha iya nga patayon an iya nanay kun diin nag-antos an biktima hin 16 nga buno hin icepick ha magkalainlain nga parte han lawas.
Sumala kan Tanauan, Leyte Police Chief Captain Kemy Bas, kwarta an nagin rason han suspetsado ngahi Dennis Redona basi patayon an iya iroy nga hi Estrella Redona hadin Enero 23, 2023 ha sulod han ira balay ha Canramos, tanauan, Leyte.
Hi Dennis in na-aresto han mga kapulisan hadin Enero 25 han aga katapos hin duha ka adlaw nga hot pursuit operations.
Dida han imbestigasyon, nagsumat an suspetsado nga waray daw hiya tatagi hin kwarta han iya nanay ngan ini amo an nakapungot ha iya.
Pero han pagpaki-anhi ha iya kun kay-ano nga sugad hadto ka brutal an iya nabuhat han iya nanay, deri na nabaton an suspetsado, sumala pa kan Bas.
An Tanauan PNP in nagsampa na hin kaso nga parricide kontra han Dennis ha Leyte Prosecutors Office. Hiya in nadakop ha Brgy San Victor, Tanauan. Hinsabutan gihapon han mga kapulisan nga pumakadto ha Tacloban ngan Palo an suspetsado ngan bumalik ha Tanauan ug tikadto na unta ha Tabontabon han ira madakop.
Nakuha gihapon han kapulisan didto han crime scene an icepick nga gingamit dida han krimen. #
