Isumat.com/Hulyo 9, 2021
Nabitay ha puno ngan patay na in usa nga ulitawo han matad-an han iya iroy didto ha Hinunangan, Southern Leyte hadin nakalabay nga adlaw.
An biktima in ginkilala nga hi Clem, 18 anyos, residente han Brgy Otama han mao nga bungto. Hiya in bag-o pala nga naka gradwar han high school.
Dida han imbestigasyon han mga otoridad, iginsumat han pamilya han biktima nga pira na ka adlaw nga deri nahingangaturog an ulitawo ngan mayda daw boses nga naghihinuring ha iya.
An biktima in nag suicide pinaagi han paghigot han iya li-og ngadto hin puno ha gawas han ira balay.
Nagsering an kapulisan, waray nira nakit-an nga foul play dida han ira post mortem examination han lawas han biktima. #
