TACLOBAN – Maabot ha pito nga mga panimalay ha Baranggay Siren siyudad han Tacloban an naugbaw han Kalayo aga han Miyerkules.
Subay ha BFP- Tacloban nga natabo an sunog banda alas 4:30 han aga.
Posible naman an napabay-an nga nakadagkot nga kandila an rasun han sunog labi pa nga waray la gihapon kuryente ha siyudad han Tacloban tungod han epekto han 6.5 magnitude nga linog.
Sumala kan Roel Lopez, tag-iha han nasunog nga balay, nga waray hini kasabuti an mao mga panhitabo labi pa nga timprano pa in lumakat na ini ha ira agud nga magtrabaho.
Duro naman an kasubo hini han makit-an nga nag-ugbaw na han kalayo an ira panimalay.
Nanawagan naman ini hin bulig ha lokal nga opisyal.
Subay ha BFP- Tacloban, maabot ha 200 mil pesos an inisyal nga danyos tikang han mao nga sunog.
Pira naman nga mga pamilya an nagpapabilin ha mga evacuation centers o di man ngani nakiukoy ha ira paryente mahuman nga mawarayan mga panimalay.
