TACLOBAN CITY – Maihuhulagway na ha Kanta nga “Too much love will kill you” han singer nga hi Jovit Baldivino an natabo ha maguyab ha Barangay 6 Sto Niño Extension, Tacloban City.
Ini in mahuman nga pagbuno-bunuon han lalaki nga hi Ronnel Maraginot, 23 anyos, Taga Pawing, Palo Leyte an iya 22 anyos nga uyab nga hi Ma. Donabelle Boco Larioque.
Dead on the spot an babayi mahuman ini makag-angkun hin 17 nga binun-an ha lawas nga kun diin 12 dinhi ha bungkog, 3 ha dughan ngan 2 ha kamot nga dapit
Mahuman nga bun-on an iya uyab in iya liwat ginbuno-buno an iya kalugaringon.
Nagpapatambal naman ha Eastern Visayas Regional Medical Center (EVRMC) an suspek nga nakag-angkun hin 4 nga Stab wounds.
Nabaruan tikang ha Abucay Police Station nga selos an hinungdan han mao nga insidente.
Sumala kan PCInsp Steve Castillote, hepe han Abucay PNP nga mayda itsura an babayi rasun pirmi magsinilos an lalaki.
Nabaruan tikang ha kasangkayan nga supukado ngan duro gud nga kaseloso an 23 anyos nga suspek. / isumat.com (Contributed photos from social media)
