Isumat.com/11:23AM, Pebrero 2, 2021
An modelo hin maupay nga ginawi-an amo lugod an nagpakita hin maraot nga susbaranan.
Ini an sitwasyon ha usa nga barangay ha Sta Rita, Samar kataliwan la ma-aresto han mga ahente han PDEA-Regional Office an Sangguniang Kabataan (SK) Chairman han Brgy Bougainvilla han nasabi nga bungto.
Sumala han pahayag han PDEA, nadakop an suspetsado nga ginkilala nga hi Bryan Paca-anas, estudyante, SK Chairman ngan residente han mao nga lugar. Dida han operasyon, an mga operatiba in nakumpiskar hin duha ka sachet hin gin-aalegar shabu kantidad hin 34 Mil Pesos ug sobra hin 5 gramos an timbang.
Nagsering pa an PDEA nga sobra hin unom ka bulan an ira pagmanman han mga gi-os han suspetsado katapos la mahireport ha ira an iligal nga aktibidad hini.
