Mahitungod Kay sarado man an mga Emergency Rooms han Eastern Visayas Regional Medical Center (EVRMC) ha Cabalawan ngan Magsaysay ha siyudad han Tacloban, ha mga Rural Health Units ngan Mga district hospitals la anay pag dadad-on an mga pasyente nga makinahanglan han serbisyo han gobyerno.
Ini an abiso nga guin pasamwak ha publiko ni Dr. Lory Ruetas an tag taken han EVRMC ha interview han 99.1 RMN Tacloban.
Upod nga guin tagan hin abiso an mga pribado nga mga hospitals ha rehiyon otso nga deri liwat anay mag padara hin mga pasyente ha EVRMC samtang mga guin papailarom pa an contact tracing ngan disinfection han Emergency rooms han mao nga hospital kahuman nga mag positibo han covid an 18 nga mga health workers han hospital.
Sumala han impormasyon nga na hikay han isumat.com bangin umabot hin lima ngadto ha pito ka adlaw an proseso han pag disinfect pero guin klaro han hospital management nga an Emergency Rooms la an sarado ngan deri an bug-os nga hospital.
