Kahuman ipa samwak ni Department of Social Welfare and Development (DSWD) Secretary Erwin Tulfo nga may ma abot dos milyones nga mga beneficiaries han Pantawid Pamilyang Pilipino nga programa ha gobyerno an tatangalon ha listahan han DSWD, nagpa gawas hin datos an DSWD ha rehiyon otso kon pira an matikang ha Eastern Visayas nga paparaon dida han mao nga listahan.
Gin sumat ni Paula Unay han DSWD-8 nga maabot hin 69,000 nga mga benipisyaryo han 4P’s ha rehiyon an tatangalon han mao nga programa ini in nag lalakip han mga nahisabutan nga deri na mga pobre subay han gin dumara nga survey han National Household Targeting System (NHTS) o kon an “listahanan” hadton 2019 , ngan sugad man hadton mga ma gradwar na nga mga pamilya han mao nga programa ngan adton mga banipisyaryo nga deri na na kokontak han DSWD o adton mga nag balhin na hin mga urokyan.
Ha pagka yana padayon an gin dudumara nga panginano han DSWD san-o pormal nga paraon na ha listahan an mao nga mga miemro han 4Ps ngan agud ma siguro nga padayon an mga ini nga bubuligan han gobyeno ipinaagi han mga local government units kon diin ini hira nan ngungukoy sumala pa kan Unay.
Mayda pinirmahan nga Memorandum of Understanding an mga Mayors ngan han DSWD nga itutubyan na ha mga lokal nga pan gobyernohan lokal an padayon nga pag bulig han mga benipisyaryo kon ma higawas na hira ha 4Ps. Mayda 291, 354 nga mga benipisyaryo han 4Ps ha bug-os nga rehiyon otso.
291,354
