Isumat.com/8:30AM,June 22, 2020
71 nga mga kaapi han rebelde nga New Peoples’ Army an lumitas ha kumunista nga kagi-usan ngan bumalik na ha piyod han balaud.
Sumala han report han 43rd Infantry Battalion, 71 nga rebelde an nagsurender. 45 ha ira in tikang ha Yunit Militia; 13 an tikang ha Batahang Organisasyon sa Partido; ngan 13 an mga supporters han kumunista nga grupo ha Bobon, Northern Samar.
Nagsering hi LtCol Raymundo Picut Jr, ini nga pagsurender han mga rebelde in resulta han nagkaka-urusa nga pitad han mga ahensya han gobyerno, local leaders, mga bungtuhanon ug an pwersa armada han Pilipinas. Gin-awhag gihapon ni Picut nga bumalik na gihapon ha gobyerno an mga nabibilin nga kaapi han walhon nga grupo.
Iginpatapod han militar nga an mga nagsurender in makakatagamtam han beneficio han gobyerno pinaagi han E-CLIP Program. #
