Posible nga ma kasohan an estudyante nga boarder han usa nga boarding house ha Tacloban City, nga guin tikangan han sunog, human ini umamin nga hiya an nagin kawsa han mao nga panhitabo.
Banda alas nwebe han gab-i, Nobyembre 17, 2018 han mahitabo an sunog ha may Brgy. 42 Avenida Veteranos Extension nga nakaugbaw hin 16 ka-balay ha mao nga lugar.
Sumala kan F03 Alvin Duran, han Tacloban Bureau of Fire Protection – Fire Investigator han mao nga kaso, base ha asoy han waray pag ngarani nga estudyante nga inamin hini nga dida ha iya mismo kwarto nagtikang an sunog. Ini human niya mahikalimtan an iya gin paruktan nga kandila nga nag resulta ha paglarab han boarding house nga nakasunog han iba pa nga kahagrani nga panimalay.
Sumala kan FO3 Duran, nga pwede kasohan hin civil case an an mao nga estudyante han mga nasunogan pero ma depende pa liwat ini han maguiguin resulta
han ira imbestigasyon.
