Isumat.com/8:03AM,July 23, 2020
Na-anaw an oportunidad para hin bag-o ngan mamurayaw nga kinabuhi para hin usa nga Barangay Captain han masikmit hiya han mga otoridad dida hin drug buy-bust operation ha Maasin City.
Hi Serafin Omega, 41 anyos ngan kapitan han Brgy Mantahan, Maasin City in na-aresto han mga tinubyanan han balaud kakulop, Hulyo 22, 2020. Hinsabutan nga nahilambigit na hadto hin droga hi Omega ngan nagsurender, pero bumalik han iya iligal nga binuhatan.
An mga operatiba han PNP ngan PDEA in nakapalit tikang han suspetsado hin walo ka sachet hin gin-aalegar nga shabu balor hin 8 Mil pesos. Hi Omega in lakip dida han mga High-Value Targets han gobyerno.
Iginpaslak na ha karsel an suspetsado ngan nakatalaan umatubang hin kaso dara han pakatalapas han Republika Acta 9165. #
