Isumat.com/8:45AM, June 19, 2020
Sobra 50 nga kaapi han Police Mobile Force denhi ha Eastern Visayas an lumakat kakulop (Hunyo 18) ngadto ha Cebu para maghatag hin ayuda ha pag-implementar han Enhanced Community Quarantine didto han mao nga lugar.
Kakulop han alas 10 han aga, an 54 nga kapulisan in lumakat ha Ormoc City sakay hin usa nga barko tipakadto ha Cebu. Iginbalik an ECQ ha Cebu dara han nagtitikadamo nga Positive Cases han COVID-19 ngan kinahanglan hin kadugangan nga pwersa ha pagdisiplina han gi-os han katawhan.
Tobtob han ginsusurat ini nga notisya, sobra na kuatro mil ka tawo an nagpositibo han virus ug 60 katawo an namatay didto ha Cebu.
An mga kapulisan in gintagan hin face shields, face masks, alcohol, gloves ngan mga multivitamins. Iginpa-ilarum gihapon hira hin rapid testing antis hira bumiyahe.
Dida han iya mensahe para han mga nadestino ha Cebu, hi PNP Regional Director BGeneral Bernabe Balba in nagpahayag nga ini in kabatunan han panginahanglan hin kadugangan nga personales han Region 7 PNP. Naglalaum hi Balba nga talwas nga makakabalik an tropa nganhi ha Eastern Visayas.
An grupo in ginkokomponer hin 52 nga Police Non-Commissioned Officers ngan 2 nga Commissioned Officers ug an mangungulo ha ira amo hi PMajor Vicente Bullecer Jr.
Labot la han han PNP Region 8, nagpadara gihapon hin mga personales ngadto ha Cebu an PNP Region 6 (Western Visayas). #
