Isumat.com/9:37AM, June 10, 2020
Arestado han mga kapulisan in mag live-in partner nga wanted ngan gin-aalegar nga mga kaapi han rebelde nga New Peoples’ Army ha Tolosa, Leyte.
Ginkilala an mga nadakop nga hira Alma Lagarto Gabin, alias Ella ngan Joy, 34 anyos ngan anay miembro han kanan NPA SubRegional Committee Emporium Education Staff ha Northern Samar; ug an iya live-in partner ngahi Alden Dagohoy, alias Rica, 33 anyos, nga taga Brgy Happy Valley, San Isidro, Northern Samar. Hi Dagohoy in gintutudlok nga squad leader han SubRegional Committee Sesame han walhon nga armado nga grupo.
Hadin nakalabay nga gab-i, an gintibhong nga mga operatiba han Leyte PNP Office, Regional Mobile Force Battalion, Tacloban City PNP Intelligence Unit, 802nd Brigade ngan Tolosa Municipal PNP an naghimo han operasyon ngan nasikmit an duha didto ha Brgy Burak, Tolosa.
Hi Gabin in gin-aresto dara han mga kaso nga murder ngan frustrated murder nga iginsampa kontra ha iya ha Laoang, Northern Samar. Nakumpiskar naman tikang kan Dagohoy in usa nga kalibre .45 ngan tulo nga bala.
Hira Gabin ngan Dagohoy in nag-iinukoy na didto han mao nga barangay tikang pa hadton Disyembre 2019, ngan naka-agom pa hira han cash assistance han Social Amelioration Program. # (KEVIN SIOSANA)
