Maupay iton panuyo han clearing operation ha mga ka kalsadahan ha Tacloban upod na an mga sidewalk hini nga dapat la nga suportahan han publiko.
Ugaring la subay hiton obserbasyon han isumat .com ha pag patuman hini baga sugad nga may mga pinipili la iton sinisita han mga operatiba han TOMECO.
usa nga ehemplo Mayda mga sarakyan nga pirme na parada ha mga “No Parking Zone” ha ligid hiton kalsada sugad ha burgos nga mga dalan han siyudad nga deri sinisita ngan guin lalabay labayan la han TOMECO.
Hin-o iton tag iya hini nga mga sarakyan ngan ano iton iya katungdanan ha sosyodad o ha city hall rason nga deri man ini nasisita hiton TOMECO? Exempted ba ini hira hiton mga patakaran parti han trapiko ha Tacloban?
Rason ba nga mayda ka katungdanan ha sosyodad or ha gobyerno agud deri ka mag sunod hiton mga patakaran? Kairo dawla an mga ordinaryo nga tawo hini.
An mga ladawan han mga hini nga naka parada in nakuha han isumat.com ha magka iba-iba nga adlaw kumo pag pa matuod nga deri la ha usa ka higayon an pamag parada hini ha mga guin dederi nga lugar pero deri sinisita.
Aton tinatawagan an bag-o nga designated TOMECO Chief Ronnie Cornico parti hini nga issue nga unta tagan hin pagtagad ini nga issue agud magkaada an TOMECO hin kredibilidad nga duro ka importante agud maguin manilangpuson an pagpatuman han traffic rules and regulation ha Highly urbanized city han Tacloban.
kuha nga picture han isumat .com hadton march 4 9:41 am
Kon pananglitan may binuhat nga pag sita han TOMECO hini nga mga sarakyan,mahimo ba nga iyo ipakita an mga prueba agud masayod iton publiko ngan para patas liwat ha ngatanan.
