Isumat.com/Enero 14, 2022
Usa nga sundalo an naawat an kinabuhi ngan nasamad in usa nga civilian informant dida hin enkwentro kontra han mga kaapi han New People’s Army ha Sitio Guinpunduan, Brgy Cogon, Basey, Samar hadin nag-agi nga adlaw.
An namatay in ginkilala nga hi Sgt Kim Ubayan Hadgi, miembro han Military Intelligence Group (MIG); samtang an nasamad amo in ginkilala kan alias Nel.
Sumala han report, an mga tropa han militar in pumakadto han nasabi nga lugar basi manginano han impormasyon nga mayda duha ka tawo nga pinanmatay ngan iginlubong didto.
Iginkahibalag an grupo hin porlomenos napulo nga mga kumunista nga terorista ngan nagkaada hin agway nga humagos hin 10 minutos.
Waray mahisumat dida han report kun nag-antos hin casualties an panig han mga rebelde. #
