Nasikmit han mga otoridad in duha nga kababayen-an dida hin anti-illegal drug operations ha Calbayog City han nakalabay nga adlaw.

     An mga suspetsado in ginkilala nga hira Jennylyn Magbutay, 33 anyos, ug hi Corazon Cabahog, 57 anyos. Hira in na-aresto han mga operatiba han Philippine Drug Enforcement Agency (PDEA) Regional Office ha Brgy Capoocan Calbayog City.

     Nakumpiskar tikang han mga suspetsado in 37 mil nga kantidad hin gintutuohan nga shabu.  Dida han operasyon, an mga tinubyanan han balaud in nakapalit hin shabu tikang ha mga suspetsado balor hin mil pesos, ngan nakuhaan pa hira hin kadugangan nga 33 ka gramo hin iligal nga droga han ma-aresto na hira.

     Iginpaslak hira Magbutay ngan Cabahog ha Calbayog City PNP, ngan papasakaan han kaangayan nga mga kaso kontra ha ira. #