Isumat.com/10:15AM, July 10, 2020
Tungod han iya katangkod, usa nga kablasanon nga residente han Ormoc City an nakakarawat hin damo nga mga hinabang ngan ginpatindugan han iya kalugaringon nga balay.
Tikang han pag-ukoy ha ilarum hin ginguba nga tulay, an pamilya ni Joel Ancahas in makakabalhin na ngadto hin tuhay nga klase hin balay.
Deri pala maiha, hi Joel in nakatara hin wallet nga may sulod nga 7 Mil pesos ngan mga ATM Cards. Bisan kun dako an mabubulig han salapi ha iya panginahanglan, waray gud maghunahuna hi Joel nga igbulsa an kwarta ug naningkamot hiya nga mahibalik an wallet ngadto han tag-iya nga usa nga nurse hin pribado nga hospital ha Ormoc. Sumala kan Joel, maaram hiya nga importante para han tag-iya an sulod han wallet, sanglit angay gud la nga mahibalik ini.
An sangkay han nurse in naningkamot nga mabilngan hi Joel ug iya natad-an nga nag-uukoy an lalaki upod an iya pamilya ha ilarum hin tulay ngan waray intawon klaro nga pakabuhi. Hi Joel in usa nga Person with Disablity with Psychosocial Problem, ug an iya misis in nag-aantos hin Intellectual Disability. Mayda hira upat nga anak.
Nagin sikat hi Joel ha Ormoc ngan kadam-an nga mga Ormocanon an nagdayaw han iya ginbuhat nga waray magpatintal han kwarta bisan kun duro an ira pagigin pobre.
An iba nga mulopyo ngan mga opisyal han barangay in naghatag hin pagkaon, kwarta, bugas, taklap ngan iba pa nga gamit ngadto han pamilya. Ug an dako nga swerte amo an grasya tikang ha Tzu Chi Foundation kay an grupo in nagtikang na pagtindog hin balay para han pamilya ni Joel.
In nga tambulig han Tsu Chi in nahimugso dida han ira panmaki-ana kan Joel kun diin nagsumat hiya ngadto han Foundation nga inop gud niya an pagkaada hin balay basi magin komportable an pag-ukoy han iya pamilya.
Ha masunod nga pira ka adlaw, an maiha na nga inop ni Joel in magigin usa na nga kamatuoran. # (With report from Ormoc News & Updates and Lalaine Marcos)
