Isumat.com/8:15AM, August 11, 2020
Delikado an pagbutang hin barrier o dibisyon ha motorsiklo sanglit angay la nga deri na ini igpadayon.
Ini an nagin unod han ginpasa nga resulosyon han Tacloban City Council ha panguna ni Vice-Mayor Sambo Yaokasin . An Konseho in pormal nga nagpadangat hini nga resolusyon ngadto ha National Inter-Agency Task Force on COVID-19.
Ginhahangyo han konseho an National IATF nga ig-rekonsiderar an ira desisyon mahitungod hini nga barrier tungod kay nagdudurot ini hin peligro ha mga pasaheros ngan kadugangan nga gastos.
Hapagkayana, an City Government in nagsisita la ngan deri nandadakop han waray mga barrier ha motorsiklo. Haros ngatanan han LGUs ha Eastern Visayas in waray gihapon pandadakop han deri nagsusunod hini nga patakaran han National IATF.
Ha probinsya han Biliran ngan ha Ormoc, deri gihapon gindadakop an waray barrier.
Pero an kapulisan in nandadakop tungod kay amo man an kamanduan han DILG. Hi Secretary Eduardo Ano han DILG amo an panguna nga nagduduso nga pagsundon an nasabi nga patakaran ha atubangan han mahugot nga pagtipa hin kadam-an nga motorista ngan publiko. #
