Basta gud man pangita hin salapi, bisan delikado ngan naatubang hin krisis ha panlawas, waray gud makakabalabag.
Kanina han pasado alas 9 han aga, Marso 21, nakalasan ini nga tagsurat hini nga artikulo han makit-an ha telebisyon an “live” nga mga oyag han Smackdown Wrestling ha Estados Unidos. Na-obserbaran gihapon nga waray nagkikita nga mga fans dida han venue.
An mga litrato nga aton gin-grab dida han “live coverage” in magpapamatood nga natabo ini bisan kun mayda na lockdown ha Amerika, sobra na 200 ka tawo an nagkamamatay dara han COVID-19, suspendido na an iba nga liga pero an professional wrestling nagpadayon la gihapon.
Iginsasagdon an SOCIAL DISTANCING….mayda ba hini dida han event? Posible ba nga nagpapabarubalyo hira hin laway? Ano it iyo masesering?#
