Kadamo han pwede maguin partner han Leyte Metropolitan Water District (LMWD) pag dumara han serbisyo han tubig, kay ano dawla nga an Prime Water Infrastructure Corporation pa nga guin tatag-iyahan han Pamilya ni anay Speaker ngan senador Manny Villar.
An private Public Parnership (PPP) han LMWD ngan Prime Water Corp. in mayda klaro nga conflict of interest ha panig hiton mga Villar ha rason nga iton Secretary han Department of Public Works and Highways nga hi Mark Villar in anak ni Manny Villar.
Hi Mark Villar kumo Secretary han DPWH in miemro han Board of Trustees han Local Water Utility Administration (LWUA) nga may control han ngatanan nga mga local water districts ha bug-os nga nasud.
An pag dumara han LWUA in guin balhin na tikang ha Department of Health ngadto ha DPWH hinungdan nga mayda poder hi Secretary Villar han mao nga opisina.
Kahuman nga ma confirm an appointment han mga bag-o nga Board of Directors han LMWD nga guin tudlok ni anay Mayor Cristina Romualdez, hi Secretary Villar pa an nag pahurar haira didto mismo ha central office han DPWH.
Upod ba nga ira guin hurararan han mga bmiemro han board of directors nga an Prime Water Corporation an makakadara han kontrata pag dumara han LMWD?
San-o lumingkod ka Secretary han DPWH, nag saad hi Villar nga deri hiya matugot nga an kompanya nga guin tatag-iyahan han ira pamilya in masulod hin mga kontrata ha gobyerno agud malikyan an pag kaada hin conflict of interest.
Anuman ini yana nga hira man iton partner han LMWD?
Tinikangan September 1 2019 an Prime Water Corp. na an mag dudumara han operation han LMWD tubtub han tuig 2046.
