Isumat.com/7:40AM, July 14, 2020
Andam an Technical Education and Skills Development Authority (TESDA) paghatag hin kina-adman ha pagpakabuhi para han mga magkakabalik nga residente han Eastern Visayas tikang ha iba nga lugar.
Tungod man gud han pandemya durot han COVID-19, yinukot-yukot nga mga Locally Stranded Individuals ug beneficiario han Balik-Probinsya Program an ginlalauman nga magkaka-uli ha probinsya ngan kadam-an ha ira in nawarayan trabaho.
Nagsering an TESDA nga tatagan nira hin prayoridad an paghatag hin scholarship program para hini nga mga returning residents.
Nagpahayag hi TESDA-Leyte Information Officer Alexandra Valeriano, nga pinaagi hini makakab-utan han mga Balik-Probinsya an an kina-adman ngan hibabru-anan basi magamit ha pagpakabuhi. Importante ini labi na nga kadam-an nga kompaniya an nagsara ngan kinahanglan mayda iba nga surok hin kwarta an katawhan.
Iginpahayag pa ni Valeriano, nga sobra na hin 40 nga Returning Residents an nagpasabot nga magpapa-ilarum hira han skills training ha TESDA. Upod han igtututdo han TESDA amo an cookery, dressmaking, animal production, auto repair, electronics ngan air-conditioning. #
