TACLOBAN CITY- Naglalaum hi Tacloban City Vice Mayor Sambo Yaokasin nga diri mahilakip an bug-os nga Bisayas ha pagdeklara han Martial Law ni Presidente Rodrigo Roa Duterte.
Positibo naman an mao nga opisyal nga magpapadayon an karisyuhan han Tacloban labi na nga magtitikaharani na an kapatronan han syudad nga pagbibisitahon hin mga bisita ng nag-tikang ha pira nga rehiyon ngan maging han mga langyawanon.
Dugang pa ni Yaokasin nga ha pagkayana pala in mayda na mga karisyuhan ngan mga kiritaon ha ubos nga parte han City Hall Grounds kumo kaparte ha nagtitikaharani nga kapatronan.
Samtang, nanawagan naman ha publiko an mao nga opisyal nga maging mabinantayon ala kontra ha mga magraot nga elemento ngan batasanon an dayon nga pakipagsumpayan ha mga otoridad para ha katalwasan han ngatanan.
