TACLOBAN CITY- Guinbaton han pamunuan han San Jose Police Station 1 an alegasyon nga guinhihimo nga lodging house han mga kabatan-unan an pira nga abondonado nga panimalay ha San Jose nga area han Tacloban City.
Sumala kan PSI Elmer Javiñar, hepe han San Jose Police Station 1 nga ini gud man in may kalabutan han mga kabablayan nga guinbayaan na han mga bumalhin ha mga permanent shelter nga namumutang ha norte nga parte han syudad kun diin nahihimo nala ini nga mga tambayan han mga kabatan-unan nga naaabutan hin kagabhion.
Dugang pa han mao nga opisyal nga gawas la han ira guinbubuhat nga pagpatrolya in nakikipagsumapayan guihapon ini ha barangay opisyales han San Jose agud masolbar an mao nga problema ngan pira pa nga mga kasamok nga kaudgan guinbubuhat han mga kabatan-unan.
Manunumduman nga una nga naging problema ha mao nga barangay an pagriot-riot han mga kabatan-unan nga nagresulta hin pira nga kaso hin panbuno.
