Padayon an imbestigasyon nga gin dudumara han National Burau of Investigation (NBI-8) ha rehiyon otso may kala butan han walo nga mga bag-o nga recruits han Bureau of fire Protection (BFP) nga na apektuhan an mga kidney durante han ira training hinungdan han ira ka hospital.
Gin sumat ni Atty. Archie Albao an Regional Director han NBI ha interview han programa nga “Straight to the Point ” ni Eduard Sanagan ha 99.1 IFM RMN Tacloban nga dida han walo nga mga recruits upat la han mga ini an ira na contact ngan nag himo hin aafidavit parti han mga detalye han nahitabo ha ira.
Sumala pa kan Albao nga gin sumat hini nga upat dida han ira affidavit nga waray nahinabo nga pangastigo haira durante han ira training kundi mahitungod la han physical activities nga ira gin agian kaparte han ira orientation kumo mga bag-o nga miemro han BFP.
Mahitungod hini pa nginginanuon han NBI ang angulo han pag talapas han mga patakaran han mga opisyal han BFP durante han ira orientation ngan an posibilidad nga bangin nag sobra hin pag hatag hin mga buruhaton nga waray ma akos hanmga trainee dugang pa ni Albao.
Ma hinunumduman nga hi DILG Secretary Benhur Abalos pa mismo an kumadto ha NBI agud mag hangyo nga imbestigaran an mao nga insidente durante han iya pag bisita ha rehiyon otso hadton nag labay nga bulan han Hulyo.
