Ha pag tigaman han International Humanitarian Law (IHL) yana nga bulan han Agosto gin sumat ni Major General Edgardo De Leon an Commanding General han 8th Infantry Division han Philippine Army nga padayon an pag talapas han terorista nga grupo han New People’s han mga probisyon han Geneva Convention haira mga operasyon ha rehiyon otso.
An Padayon nga pag gamit Han NPA han Anti Personnel Mine, an Pag sunog han mga Heavy Equipment han mga construction company, an panarhug ha mga sibilyan ngan an extortion activities han terorista nga grupo inpira la han mga ehemplo han pag talapas han international Human Rights Law sumala pa kan De Leon.
An International Humanitarian Law o kon an Geneva Convention in ka sarabutan han mga nasud ha kalibutan upod na an Pilipinas nga an panuyo in ma proteheran an katungod ngan katalwasan han mga sibilyan ha panahon hin giyera ngan iba pa nga mga armed conflict.
Iya pa gin sumat nga bisan ngani mayda na dadakup nga miemro han NPA haira mga operasyon ira ini gin tratratar hin maupay sugad han pag pakaon ngan an pagdara ha mga hospital kon gin kikinahanglan kumo pag sunod han geneva convention upod na hini an pag hatag hin disente nga pag pahimutang han mga nag kakamatay nga rebelde haira mga operasyon. Pero kon sundalo hiton gobyerno iton na dadakpan pinapatay hiton mga rebelde bisan ha atubangan hiton mga miemro han pamilya sumala pa kan De Leon.
Na nawagan hin De Leon han Mga Mulopyo ha rehiyon otso nga deri na suportahan ngan isalikway an deri mag upay nga mga binuhatan han NPA labi an mga buruhaton nga talapas han katungod pan tawo.
