Isumat.com/8:32AM, Marso 3, 2021
Komo pagsunod han ginpahukalan nga patakaran ha pagbiyahe han National Inter-Agency Task Force (IATF), nagpalusad hin mga aludayday an Tacloban City Government basi magin matulanoy an pag-uli, pagsulod, pag-gawas ngan iba pa nga klase hin biyahe ngadto han nasabi nga syudad ha atubangan han peligro han Covid-19.
An numero uno nga pitad nga angay buhaton antis pumakadto o gumawas ha Tacloban amo an pagpa-rehistro ha internet (ON-LINE REGISTRATION) pinaagi han www.baliktacloban.tacloban.gov.ph. Kinahanglan mag-parehistro basi matagan han Certificate of Acceptance.
Igindig-on han City Government nga NO REGISTRATION, NO REQUIREMENTS = NO ACCEPTANCE. Kinahanglan mayda QR CODE han Tacloban City.
Para han mga APOR (Gobyerno ngan Pribado) – Office/Company ID, Office Travel Order with Itenerary.
Para han RETURNING OVERSEAS FILIPINOS – Government Issued ID, Swab Test Result upon arrival in the Philippines, Bureau of Quarantine Certification.
Para han RETURNING TACLOBAN RESIDENTS – Government issued ID, Barangay Certification from place of origin that your are not a PUI/PUM or Confirmed Case.
Para han TRANSIENT/VISITORS – Government Issued ID, Barangay Certification from place of origin that you are not a PUI/PUM/Confirmed Case.
Para han TRANSIENT/VISITOR nga taga-Tacloban nga gumawas ngan tibalik na ha Tacloban – Government Issued ID, Barangay Certification from Tacloban nagpapakita han petsa han pagbiyahe. Kun lumapos hin pito ka adlaw an biyahe ha gawas han Tacloban, kinahanglan na an Brgy Certification kun diin hiya kumadto nga lugar.
An pagsubmiter han mga rekisitos in pinaagi ha baliktacloban@gmail.com.
Katapos han pagsubmiter ha ON-LINE ngan kumpleto an rekisitos, igpapadara ha iyo email ad an Certificate of Acceptance ug an mga instruction han proseso han iyo pag-abot. An Certificate of Acceptance in igpapadara ha sulod hin 3 ka adlaw. Sanglit ginsasagdunan nga temprano magpa-rehistro ngan magpadara han requirements basi deri ma-apektaran an eskedyul han pagbiyahe.
Importante: Kun mayda sintomas han Covid-19 pag-abot ha Tacloban, an biyahedor in igpapailarum hin Isolation ha Government Facility o puede gihapon ha balay depende han assesment han Medical Personnel. Kun waray simtomas ha pag-abot, waray na kwarentina ngan Isolation.
Kun mayda niyo mga paki-ana, alayon la didto ha Tacloban City Information Office (Facebook) ngan puede liwat ha Safe City Hotlines 09209000911 / 09778080911 / (053)-8880911.
Magpapabilin gihapon an pagsul-ot han face mask, face shield ngan pagsunod han physical distancing han mga biyahedor. #
