Isumat.com/Hunyo 27, 2023
An STI College Ormoc-Pundok Pinaghiusang Ormocanon an naghakot hin kadam-an nga pasidungog lakip na an kapili nga Champion han gindumara nga Ormoc Pina Festival hadin Hunyo 25, 2023 ha Ormoc City Sports Center.
Iginpasundayag han nasabi nga grupo hin mga estudyante an kamakarit ngan kamahusay ha pagsayaw sanglit hira an napili han mga hurado nga kampeon ha Grand Showdown ug an premyo in 500,000 pesos.
Ini nga grupo an napili gihapon nga Best in Street Dancing, Best in Costume, Best in Graphic Design, ngan Best Choreographer.
1st Runner-up ha Grand Showdown an Pundok Kasadpan han Western Leyte College, premyo-450,000 pesos; samtang 400,000 pesos an nakuha han 2nd Runner-up Grand Showdown Eastern Visayas State University-Ormoc Campus Pundok Sidlakan.
An mga non-winning contingents ha Grand Showdown in naka-agom hin consolation prize nga 300,000 pesos kada usa.
Dida han kompetisyon para han Pina Festival Queen, an pambato han Pundok Madasigon-Ipil National High School nga hi Lime Berry Linaga an nakadaog han korona. An 1st Runner-up hi Geovanna Catalina Dawa han WLC-Pundok Kasadpan nga amo gihapon an Miss Photogenic; samtang an 2nd Runner Up hi Giovana Scala han Pundok Sitihaynon-New Ormoc City National High School.
(Lime Berry Linaga – Pina Festival Queen 2023)
An iba pa nga mga awardees amo an masunod: Best in Festival Queen Gown – Pundok Madasigon, Ipil NHS; Best in Solo Performance – Pundok Madasigon, Ipil NHS; Best in Group Production – Pundok Mapasalamaton, Linao Natl High School; Best Float and Audio Van – Pundok Sitihaynon.
(Geovanna Catalina Dawa – 1st Runner-Up Festival Queen & Miss Photogenic)
Nagin maribhong an okasyon tungod gihapon han mga presentasyon han kanda grupo ug an presensya han PBB housemate Seth Fedelin.
Dida han nasabi nga kompetisyon, nagpasalamat hira Leyte 4th District Congressman Richard Gomez ngan City Mayor Lucy Torres-Gomez ha mga Ormocanon han ira tim-os nga suporta han mga aktibidadis han kapistahan han syudad paghatag hin onor kanda San Pedro ngan San Pablo.
(Leyte 4th District Rep. Richard Gomez & Ormoc City Mayor Lucy Torres-Gomez)
An bug-os nga pwersa han Sanguniang Panglungsod ha panguna ni Bise-Mayor Carmelo Locsin Sr. mga konsehales, Board member Vince Rama, Executive Committee Chairman Jude Abenoja in nagtambong gihapon han mao nga okasyon.
Hi Abenoja in nagpahayag nga ha maabot nga panahon, aabrihan nira an Pina Festival para han mga contingents tikang ha gawas han Ormoc City. #
