Isumat.com/Hunyo 5, 2023
Magkakamay-ada hin sports clinic para han oyag nga PICKLEBALL ha City Engineers Office Gymnasium hiton Sabado, Hunyo 10, 2023.
An Eastern Visayas Pickleball Association ha pakigsumpayan ha Professional Pickleball Association of the Philippines an magdudumara hini nga aktibiidad kun diin igpapakita an paagi, mga taktika, ngan mga estratehiya han nasabi nga sports event.
Mismo an presidente han Professional Pickleball Association of the Philippines nga hi Jenny Marcos an mangungundahan han pagtutdo han kinaadman hini nga oyag.
Para han mga students, an oras han sports clinic in alas otso tobtob alas one han aga, samtang an adults in ala 1 – 4 han kulop.
An pickleball in kombinasyon han lawn tennis, table tennis ngan badminton. Puede mag-oyag ha indoor ngan outdoor venues.
Waray pinipili nga edad an pickleball, basta akos han panlawas puede magmulay hini.
Para han karuyag makakuha hin impormasyon o detalye han sports clinic, puede kamo magpadangat han iya paki-ana o mensahe ha facebook account han grupo: Eastern Visayas Pickleball Association – EVPA. #
