Natapnan han COVID-19 an superstar player han NBA nga hi Kevin Durant. Mismo hi Durant an nagsumat ha media nga positibo hiya han kagaw. Iginpasamwak gihapon han New Jersey Nets nga mayda pa tulo nga players han ira ballclub an nag positibo gihapon pero waray la ngarani.
Nagsering hi Durant nga bisan kun nagpositibo hiya, maupay iton iya panlawas. Pero sumala han New Jersey an usa han mga players in nagpapakita hin mga sintomas han sakit.
Dara hini, pito na nga NBA players an Corona positive. An syahan amo an magka-usa ha Utah Jazz nga hira Rudy Gobert ngan Donovan Mitchell ug an kaapi han Detroit Pistons nga hi Christian Wood.
Samtang an award-winning nga aktor ha Pilipinas nga hi Christopher de Leon in nagsumat nga positibo hiya han virus. Iya ginpahayag nga waray hiya pumakadto ha gawas han Pilipinas sanglit denhi gud la hiya ha aton nasud natapnan han virus.
Hapagkayana, an iya asawa ngahi Sandy Andolong ug an ira kabulig in naka quarantine. #
