Isumat.com/Agosto 10, 2022
Ginkoronahan komo Mutya han Samar 2022 hi Princess Nicole Penaranda Mabute nga amo an pambato han bungto han Pinabacdao.
![](https://isumat.com/wp-content/uploads/2022/08/pinabacdao2.jpg)
An nasabi nga kompetisyon in gindumara kakulop, Agosto 9, 2022 ngan ini in kaparte han mga aktibidadis han pagsa-urog han Samar Day hiton Agosto 11.
Na-angkon gihapon ni Mabute an special awards han Best in Festival Costume ngan Best in Runway Walk.
Napili naman nga Mutya han Samar-Tourism an tinaglawas han Calbayog City; Mutya han Samar-Environment nahingadto han Miss Basey; Mutya han Samar-Heritage nadag-an ni Miss Gandara; ug an contestant han Catbalogan an napili nga Mutya han Samar-Youth.#