Isumat.com/Agosto 10, 2022
Naawat an kinabuhi hin mag live-in partner han aksidente nga mabanggaan hin van an ira sinasakyan nga motorsiklo alas 4 han kulop, Agosto 9, 2022 ha Brgy Hilusig, Mahaplag, Leyte.
Ginkilala an mga namatay nga hira Allan Montillano, residente han Brgy Cuatro de Agosto, Mahaplag, nagmamaneho han motorsiklo; ug an iya kalungon nga iya angkas ginkilala nga hi Romarlyn Payao, nag-uukoy gihapon han mao nga barangay.
An suspetsado nga drayber han Isuzo Wing Van nga may plate Number CAH-3709 amo hi Francisco Baldesco, 61 anyos, residente han Greenville Subd, Tacloban City.
Dida han inisyal nga imbestigasyon, an motorsiklo in tikang ha Abuyog ngan tikadto na ha Mahaplag, samtang an van in didto han kaluyo nga dereksyon.
Pagdangat dida han lugar han insidente, an van in nag-ensima han behikulo ha unhan ngan dida han pagkabat han kaluyo nga lane han kalsada, iginkatuman nga iginkakatapo an motorsiklo. Nasampakan han van an motorsiklo, rason han pag-antos hin grabe nga injuries han duha nga sakay hini.
Igindeklarar nga dead on arrival an duha nga biktima han pagdad-on hira ha Mahaplag Rural Health Office.
An nanhidabi nga mga behikulo ug an drayber han van in gindara ngadto ha Mahaplag PNP Station para han kaangayan nga dokumentasyon ngan disposisyon.#
