Isumat.com/7:15AM, August 25, 2020
Napulo na nga mga drayber an napatukan hin penalidad dara han deri pagsunod han patakaran nga deri magpasakay hin pasahero nga waray face mask ngan face shield.
Kakulop, an Land Transportation Office-Region 8 an nagtikang na pandakop han deri nasunod hini nga aludayday nga iginpalusad han National Inter-Agency Task Force on Covid-19. Nagsering hi LTO Regional Director Rhodelio Poliquit nga wreckless driving violation an sugad hini nga insidente ug may multa nga Dos Mil pesos han drayber.
Sumala ha iya, napulo nga drayber an namultahan kakulop tungod han pakatalapas hini nga patakaran.
Ha ilarum han Memorandum Circular 2020-2185, Dos Mil an multa ha syahan nga pakasupak, Tres Mil ha ikaduha nga pakatalapas, ngan 10 Mil pesos ha masunod nga mga bayolasyon. Ha ngatanan nga insidente, an drayber pirmi an mumultahan ug deri an pasahero nga waray face mask ngan face shield. #
