Isumat.com/ Disyembre 13, 2022
Nagpapadayon an panlimbasog han mga lideres han Palompon, Leyte basi mas dumukwag pa an sektor han turismo ha ira bungto labi na yana nga haros bumalik na ha normal an mga aktibidadis han katawhan nga na-apektaran han pandemya.
An mga lokal nga opisyales han bungto in pumakadto ha probinsya han Cebu para mag-obserbar ngan pag-adman an mga mahinungdanon nga estratehiya ha turismo. Ira hul-os nga ginturutimbang an nangunguna nga programa han turismo han probinsya nga amo an Suroy-suroy sa Sugbo.
Sumala kan Palompon Mayor Ramon Onate, deri nira igkaka-awod kun magsubad o magkopya hira hin mga istilo tikang hini nga tourism program han Cebu. Sering pa han alkalde, nakagtikang na an Palompon ngan Isabel hin paruparehas nga estratehiya.
An Suroy-suroy sa Sugbo in magkukumbida hin mga turista kun diin maglilibot ha mga lugar ha bug-os nga probinsya basi makit-an an mga tourist spots, pagkita han tradisyon han mga Cebuano ngan tilawan an lokal nga mga pagkaon. Lakip han package an transportasyon, akomadasyon ngan pagkaon.
Upod han mga tourist destinations nga mapapahalibwayan ha Palompon amo an bantuganan nga Kalanggaman Island, Tabuk Marine Park and Bird Sanctuary, St Francis Xavier Church, ngan iba pa. #
