Isumat.com/ Disyembre 21, 2022
Sugad-sugad nga matutuman an hingyap ni Juliana Gomez nga magin pareho hiya han iya amay nga hi Leyte 4th District Congressman Richard Gomez nga nagin sikat ha sports labot la han iya pa nga obligasyon.
Ha larangan han fencing o espadahay, hi Juliana in nagpapadayon pagkolekta hin mga gold medals dida han iya gin-aapihan nga mga international competitions.
Dida han Disyembre 19, 2022, hiya in nakadaog han bulawan nga medalya han iya pangunahan an iya dibisyon han katatapos pala nga 2022 West Java Fencing Challenge ha Bogor, Indonesia.
Antis hini, han syahan nga semana han Disyembre, gold medal gihapon an iya nadag-an ha Thailand Open fencing Championships.
Nagin miembro na hin Juliana han volleyball team han University of the Philippines, pero bumalhin an iya focus ha fencing tungod han pandemya. Nakabulig liwat hini kay hi Richard amo an president han Philippine Fencing Association.
Ginhihingita ni Juliana nga sumunod han dalan ni iya Daddy Richard nga nagin miembro han National Fencing Team nga nagmulay ha magkalainlain nga torneo ha iba nga nasud. #
