Titikangan an pag tindog han ika duha nga tulay nga mag susumpay han probinsiya han Leyte ngan han isla han Samar ha second quarter han 2025 ini an gin sumat ni District Engineer Alvin Ignacio han Department of Public Works and Highways ha rehiyon otso ha interview han isumat.com

An gagastuson han pag tindog han mao nga tulay in nueve bilyones pesos nga mayda ka halab-on nga 1.24 kilometers tikang ha Barangay La Paz ha bungto han Sta. Rita Ha Samar tubtub ha Barangay Guintigi-an ha bungto han Babatngon sumala pa kan Engineer Ignacio.

Ha pagka yana padayon an gin dudumara nga preparasyon han DPWH-8 ngan mga representante han Japan International Cooperation Agency (JICA) nga nagpa tapod nga mahatag hin fianacial ngan technical nga bulig han pagtindog han Tulay.

An San Juanico Bridge in sobra singkwenta ka tuig na tikang ini pag himoon hadton 1969 ngan han pormal nga inagurasyon hini hadton 1973.