Isumat.com/ Disyembre 6, 2022
Nagin malinangpuson an anti-illegal drugs operation han mga tinubyanan han balaud han mabungkag nira in usa nga drug den ngan kasikmit hin tulo nga suspetsado ha Bato, Leyte hadton Disyembre 4, 2022.
Dida han nasabi nga operasyon ha Brgy Ponong, nagkadadakop an mga gintatahapan nga hira Charlito Perez, gintutudlok nga nagdudumara han drug den; ug an mga bisita nga hira Neil Sanchez ngan Noel Manos.
Narekupo tikang ha ira in pira ka sachet hin gin-aalegar nga shabu may timbang nga nga 15 gramos ngan kantidad hin 102 Mil pesos.
Hira in nakapaslak yana ha karsel ngan ginsampaan na han kaangayan nga mga kaso.
An mga personales han PDEA, PNP Leyte ngan Bato PNP Station an nagburublig dida hini nga operasyon.
Kun manunumduman, han una nga semana, usa nga public school teacher han mao nga bungto an na-aresto tungod han paghidabi han pagbaligya hin iligal nga droga. #
