Isumat.com/Mayo 12, 2023
Naawat an kinabuhi han usa nga barangay kapitan han gamaan hiya samtang nagmamaneho hin sarakyan ha Brgy Naghalin, Kananga, Leyte hadton Mayo 10, 2023.
Ginkilala an biktima nga hi Raul Cosinillo, 56 anyos, kapitan han Brgy Mataluto, Leyte, Leyte. Naigo hin bala ngan nakatalwas an iya misis nga nga hi Mercedes nga upod han biktima dida han sarakyan.
Subay han imbestigasyon, samtang nagbibiyahe an mga biktima sakay han ira multicab pasado ala 1 han kulop, ginpaarakan hira hin bala han mga suspetsado nga sakay hin motorsiklo ha national highway han nasabi nga lugar.
Waray maigo hin bala an anak han mag-asawa ngahi Pantea nga sakay gihapon han multicab.
An insidente in padayon gin-iimbestigar han kapulisan basi makilal-an ngan madakop an mga suspetsado ngan matudlok an motibo han krimen. #
