Isumat.com/Agosto 24, 2022
Patay in usa nga kapitan hin barangay han pusilon hiya samtang nagmamaneho hin motorsiklo ha Brgy Carandog, Javier, Leyte hadin nag-agi nga adlaw.
Subay han record ha PNP, ginkilala an biktima nga hi Joel Rinos, 50 anyos, residente ngan Kapitan han Brgy Inayupan han mao nga bungto.
An duha nga suspetsado nga sakay hin motorsiklo in waray panhikilal-i.
Hi Rinos in nagmamaneho han iya sarakyan han pagpusilon hiya han duha nga kalalakin-an. Nag-antos hiya hin igo hin bala ha luyo nga parte han iya lawas nga tumahos ngadto han iya nawong.
An mga suspetsado in kadagmitan naman nga kumalagiw katapos han insidente.
An mga kapulisan han Javier in padayon an imbestigasyon basi makilal-an an mga gintatahapan ngan ma-establisar an motibo han krimen.#
