Isumat.com/Abril 3, 2023
Nahipaslak ha karsel ngan posible umatubang hin kaso ha korte an kapitan han Brgy Brgy Sto Nino, Gandara, Samar tungod han iligal nga huygo.
Ha report han Gandara PNP Station, ginkilala an suspetsado nga hi Rolly Francisco, 38 anyos, inasaw-an ngan kapitan han mao nga barangay kun diin hiya in nadakop hadton alas 5:10 han kulop, Abril 2, 2023.
An mga personales han PNP in nagdumara hin operasyon tungod han impormasyon nga ira nahikay kasumpay han operasyon han iligal nga swertres dida han nasabi nga lugar.
Hi Francisco in na-aktuhan han kapulisan nga nadadabi han iligal nga huygo ngan nakumpiskar tikang ha iya an papel nga listahan han mga kombinasyon han numero ug an kantidad han mga pusta, sugad man 207 pesos nga salapi.
Nakuha gihapon tikang ha iya an marked money nga gingamit han mga otoridad han pagtaya upod an stub han numero nga gintayaan.
An suspetsado in gindara ha Municipal Police Station para han kaangayan nga dokumentasyon ngan disposisyon.#
