Isumat.com/ Nobyembre 10, 2022
Naawat an kinabuhi hin duha nga construaction workers samtang tulo pa nga iba in nagkaada hin karamtan ha lawas han makuryente hira samtang nagtitindog hin flag pole ha Naval, Biliran hadton Nobyembre 7, 2022.
Ha report han PNP, ginkilala an mga namatay nga hira Kirby Verutiao, 21 anyos ngan Michael Corpin, 28 anyos. Hira in residente han Brgy Maurang, Caibiran, Biliran.
Ha inisyal nga imbestigasyon, an mga biktima in nagtitindog hin puthaw nga flag pole ha Government Center, Brgy Larrazabal, Naval, Biliran han aksidente nga sumangit an puthaw ha “live cable wire” han Biliran Electric Cooperative hinungdan nga nakuryente hira.
Kadagmitan gindara ha Biliran Provincial Hospital an mga biktima pero an duha ha ira in dead on arrival.
An tulo han ira kaupdanan in nakatalwas han aksidente ngan nakagawas na ha hospital. #
