Isumat.com/ Disyembre 12, 2022
Kantidad hin 12 Milyones pesos an gindistrongkar han Philippine Drug Enforcement Agency (PDEA) Eastern Visayas pinaagi han pagsunog hini ha thermal facility hah Heaven’s Gateway Chapel ha Palo, Leyte hadin Disyembre 9, 2022.
Ini nga mga iligal nga droga ngan non-drug evidence sugad man naparso na nga mga medesina in nahipresentar na ha hukmanan nga mga ebidensya, sanglit kinahanglan na magkawawara.
An ginpansunog in ginlalakipan han707.5 gramos hin sabu, 47.5 gramos nga marijuana, 998.7 gramos nga cocaine, upod gihapon hin nag-expire na nga mga medesina.
May timbang ini ngatanan hin 1.754 kilos ngan balor hin 12 Milyones pesos.
An nasabi nga aktibidad in ginpangunahan ni PDEA Regional Director Edgar Jubay, ug an mga representante han Department of Justice, Public Attorney’s Office, Elected Officials, Media, PNP Regional Office, Civil Society Groups ngan iba pa nga sektor.#.
