TACLOBAN CITY – Ginpanhimuwa han nadakop nga gin aaligar nga Suspek ha pagpatay hin Langyawanon ha Probinsya han Biliran nga hiya nan nagpusil patay han mao nga biktima.
Sumala han gin-aaligar nga Gunman nga hi Antonio Montives Robaro, Jr, nga mistaken identity la an natabo.
Sumala pa haiya nga han matabo an insidente banda alas 6 han aga dida han Hulyo 26 in nakadto la hiya ha ira panimalay ngan nag-aayad han pawod.
Ginpanhimuwa liwat hini an iya an mga nakuha nga Iligal nga droga.
Sumala pa haiya nga usa hiya nga police asset ngan diri iya an nakuha nga Shabu tungod nga bisan sigarilyo in diri hiya nagamit.
Nabaruan nga nadakop hi Rabaro ha mismo panimalay hini mahuman na marekober an pira nga panapton hini nga nagmatch ha Sul-ot han mga suspek nga nakuha ha CCTV.
Nag papabilin naman ini ha pagka yana ha Biliran Lock up cell samtang nag papadayun an inquest proceedings.
Kun manunumduman ginpusil patay an langyawanon nga ginkilala nga hi Simon Rawlinson, 63 nga taga Newzealand.
Samtang padayun naman nga ginhahalpat yana an gin aaligar nga look out nga kasabwat ni Robaro nga hi Manuelito Estreller.
